Foto: QR OAM
QR Oqý-aǵartý ministrliginde Jambyl oblysynda kámeletke tolmaǵandarǵa qatysty oryn alǵan sońǵy qaiǵyly oqiǵalarǵa bailanysty keńes ótti, dep habarlaidy Ult.kz.
Jiynǵa oblys ákiminiń orynbasary, bilim basqarmasy, politsiia, Balalardy psihologiialyq qoldaý ortalyǵy, óńirlik bala quqyqtary jónindegi ýákil jáne birqatar uiym ókilderi qatysty.
Jergilikti organdardyń málimetinshe, jańa oqý jyly bastalǵaly oblysta balalarǵa qatysty birneshe keleńsiz jaǵdai tirkelgen. Balalardyń quqyqtaryn qorǵaý komitetiniń tóraǵasy aldyn alý jumystarynyń jetkilikti deńgeide júrgizilmei otyrǵanyn atap ótti. Ásirese psihologiialyq-pedagogikalyq qoldaý men áleýmettik sharalar álsiz, áleýmettik pedagogterdiń jumysy júiesiz ekeni belgili boldy.
29 qyrkúiekten bastap óńirge Respýblikalyq vedomstvoaralyq monitoringtik top jiberiledi. Onyń nátijesinde quqyqbuzýshylyqtardyń aldyn alýǵa baǵyttalǵan Jol kartasy ázirlenedi jáne balalardyń psihologiialyq qaýipsizdigi boiynsha ádistemelik kómek kórsetiledi.
«Bizdiń basty mindetimiz – mundai jaǵdailardyń qaitalanýyna jol bermeý. Árbir bala memleket, mektep pen ata-ananyń qoldaýyn sezinýi kerek. Aldyn alý sharalary nátijeli bolýy úshin barlyq jaýapty taraptyń belsendi qatysýy qajet», – dedi Oqý-aǵartý ministri Ǵani Beisembaev.
Keńes qorytyndysy boiynsha:
-
Jambyl oblysynda Balalardyń quqyqtaryn qorǵaý basqarmasy ashylady;
-
pedagog-psihologtardyń sany kóbeitiledi;
-
Psihologiialyq qoldaý ortalyǵy men qamqorshylyq organdarynyń jumysy kúsheitiledi;
-
«Órken» institýty men «Órleý» ulttyq ortalyǵy óńir pedagogteriniń biliktiligin arttyrý boiynsha oqytý uiymdastyrady.
