Foto: Polisia.kz
Kólik politseileri Jambyl oblysynda qolaisyz aýa raiynda jolda qalǵan 500-den astam jolaýshyǵa saparlaryn poiyzben jalǵastyrýǵa kómektesti, – dep habarlaidy "Ult aqparat" Polisia.kz portalyna silteme jasap.
Jambyl oblysyndaǵy aýa raiy jaǵdaiyna bailanysty tótenshe qyzmetterdiń alys saparlardan bas tartý týraly eskertýlerine qaramastan, kóptegen azamat avtokóliktermen jáne reistik avtobýstarmen shyǵyp, Almaty – Shymkent, Almaty – Kyzylorda tas joldary boiyndaǵy kepteliste qalǵan.
Media-portal málimetinshe, kóliktegi politsiia departamentiniń qyzmetkerleri júrgizgen is-sharalar barysynda jolaýshylar poiyzben mejeli jerlerine jetýleri úshin Shý jáne Taraz temirjol vokzaldaryna jetkizilgen.
"Jolaýshylar poiyzdarynyń turaǵy kezinde atalǵan stantsiialardaǵy jelilik politsiia bólimderiniń qyzmetkerleri qoǵamdyq qaýipsizdikti qamtamasyz etip, jolaýshylardyń poiyzǵa otyrýyna kómektesti. Jalpy, bul jumysqa 160-qa jýyq politsei jumyldyryldy. Qazirgi ýaqytta 500-den astam azamat saqshylardyń kómegimen jolaýshylar poiyzyna otyrǵyzylyp, óz saparlaryn aman-esen jalǵastyrdy.
Jolaýshylar arasynda qart adamdar, áielder men balalar boldy. Sondai-aq olardyń ishinde Almaty – Shymkent baǵytyndaǵy avtobýs reisimen jolǵa shyqqan Ózbekstan Respýblikasynyń 150 azamaty da bar. Olardyń kópshiligi óte juqa kiingen.
Kólik politseileri “QTJ” UK AQ qyzmetkerlerimen birlesip, atalǵan azamattardyń ótip bara jatqan poiyzdarǵa otyrýlaryna kómektesti" - delingen habarlamada.
Mysaly, tórt adamnan turatyn otbasy, onyń ishinde júkti áiel men 2 jas bala óz kóligimen Shýdan Túrkistan qalasyna shyqqan, biraq aýa raiyna bailanysty budan ári joldy jalǵastyra almaǵan. Olar politsiia pýnktine jetkizilip, ystyq shaimen qamtamasyz etilgen. Al keiin poiyzǵa otyrǵyzylǵan.
Aita keteiik, Departament bazasynda jedel shtab qurylyp, tómendegi jedel jeli telefondary jumys isteidi: 715924; 94-25-01.
