Jambyl oblysynyń Moiynqum aýdanynda Kóshaman aýylynda joǵalǵan jeti jasar balany izdeý jumystary jalǵasýda.
Ol keshe saǵat 15:00-der shamasynda úiinen atqa minip shyǵyp ketken. Osy ýaqytqa deiin onyń qaida ekeni belgisiz, eshqandai habar joq - dep habarlaidy "Ult aqparat".
Balany izdeýge 250-den astam adam jumyldyryldy, olardyń ishinde politsiia qyzmetkerleri, ákimdik, tótenshe jaǵdailar departamentiniń ókilderi men eriktiler bar. Sonymen qatar, qosymsha kúsh retinde Ulttyq ulannyń 150 adamy men Merki aýdandyq politsiia bóliminiń 30 qyzmetkeri tartylǵan. Bul týraly oblystyq politsiia departamentiniń baspasóz qyzmeti habarlady.
Jergilikti turǵyndar arasynda júrgizilgen saýalnama barysynda balany keshki saǵat 18:00 shamasynda týǵan aýyly Kýshamannan 30 shaqyrym jerde ornalasqan Jasulan aýylynyń janynan kórgender bar bolyp shyqty. Izdestirý jumystaryna Tótenshe jaǵdailar departamentiniń tikushaǵy men jergilikti orman sharýashylyǵy kásiporyndarynyń biriniń AN-2 ushaǵy jumyldyryldy.
«Jambyl oblysynyń politsiia departamenti joǵalǵan balaǵa qatysty qandai da bir aqparat bilgen adamdardan 8 (7262) 2-49-02, 99-73-39, 8-775-376-66-93 telefondary jáne «102» nómirine habarlasýdy suraidy. Balanyń belgileri: aryqsha kelgen, boiy 120 sm, qara shashty. Útsinde sur fýtbolka, qyzyl kepka, qysqa shalbar jáne qara krossovka kigen», - delingen vedomstvo habarlamasynda.
