جامبىل وبلىسىنىڭ مويىنقۇم اۋدانىندا كٶشامان اۋىلىندا جوعالعان جەتٸ جاسار بالانى ٸزدەۋ جۇمىستارى جالعاسۋدا.
ول كەشە ساعات 15:00-دەر شاماسىندا ٷيٸنەن اتقا مٸنٸپ شىعىپ كەتكەن. وسى ۋاقىتقا دەيٸن ونىڭ قايدا ەكەنٸ بەلگٸسٸز, ەشقانداي حابار جوق - دەپ حابارلايدى "ۇلت اقپارات".
بالانى ٸزدەۋگە 250-دەن استام ادام جۇمىلدىرىلدى, ولاردىڭ ٸشٸندە پوليتسييا قىزمەتكەرلەرٸ, ەكٸمدٸك, تٶتەنشە جاعدايلار دەپارتامەنتٸنٸڭ ٶكٸلدەرٸ مەن ەرٸكتٸلەر بار. سونىمەن قاتار, قوسىمشا كٷش رەتٸندە ۇلتتىق ۇلاننىڭ 150 ادامى مەن مەركٸ اۋداندىق پوليتسييا بٶلٸمٸنٸڭ 30 قىزمەتكەرٸ تارتىلعان. بۇل تۋرالى وبلىستىق پوليتسييا دەپارتامەنتٸنٸڭ باسپاسٶز قىزمەتٸ حابارلادى.
جەرگٸلٸكتٸ تۇرعىندار اراسىندا جٷرگٸزٸلگەن ساۋالناما بارىسىندا بالانى كەشكٸ ساعات 18:00 شاماسىندا تۋعان اۋىلى كۋشاماننان 30 شاقىرىم جەردە ورنالاسقان جاسۇلان اۋىلىنىڭ جانىنان كٶرگەندەر بار بولىپ شىقتى. ٸزدەستٸرۋ جۇمىستارىنا تٶتەنشە جاعدايلار دەپارتامەنتٸنٸڭ تٸكۇشاعى مەن جەرگٸلٸكتٸ ورمان شارۋاشىلىعى كەسٸپورىندارىنىڭ بٸرٸنٸڭ ان-2 ۇشاعى جۇمىلدىرىلدى.
«جامبىل وبلىسىنىڭ پوليتسييا دەپارتامەنتٸ جوعالعان بالاعا قاتىستى قانداي دا بٸر اقپارات بٸلگەن ادامداردان 8 (7262) 2-49-02, 99-73-39, 8-775-376-66-93 تەلەفوندارى جەنە «102» نٶمٸرٸنە حابارلاسۋدى سۇرايدى. بالانىڭ بەلگٸلەرٸ: ارىقشا كەلگەن, بويى 120 سم, قارا شاشتى. ٷتسٸندە سۇر فۋتبولكا, قىزىل كەپكا, قىسقا شالبار جەنە قارا كروسسوۆكا كيگەن», - دەلٸنگەن ۆەدومستۆو حابارلاماسىندا.
