Jambyl oblysynda áiel túrmedegi jigitimen kezdesý úshin jalǵan neke qiiý kýáligin jasatqan, - dep habarlaidy Polisia.kz.
Tártip saqshylary atalǵan qylmysty jasaǵany úshin 48 jastaǵy áieldi ustady.
Júrgizilgen tergeý nátijesinde, kúdikti áiel bas bostandyǵynan aiyrý ornynda jazasyn ótep jatqan jigitimen kezdesý úshin neke qiiý týraly kýálikti qoldan jasap, ózin áieli retinde tanystyrǵany anyqtaldy.
Atalǵan derekke qatysty Qazaqstan Respýblikasy Qylmystyq kodeksiniń 385-baby 3-bóligi (Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daiyndaý nemese ótkizý) boiynsha sotaldy tergeý amaldary bastaldy.
"Osy baptyń sanktsiiasymen 160 ailyq eseptik kórsetkishke deiingi mólsherde aiyppul salý, ne sol mólsherde túzeý jumystary, ne 160 saǵatqa deiingi merzimge qoǵamdyq jumystarǵa tartý nemese 40 táýlikke deiingi merzimge qamaqqa alý túrindegi jaza qarastyrylǵan", - delingen habarlamada.
