Jambyl oblysy Shý aýdanyndaǵy «Tasótkel» sý qoimasynyń syiymdylyǵyn 1 milliard tekshe metrge deiin ulǵaitý kózdelýde. Bul týraly aimaq basshysy Berdibek Saparbaev atalǵan aýdanda sý qoimasynyń jai-kúiimen tanysý barysynda aitty, dep habarlaidy "Ult aqparat".
Aǵymdaǵy vegetativti maýsymda sharýalar sýarý sýyna qatysty qiyn jaǵdaidy bastan ótkerýde. Ózender taiaz bolyp, qoimalarynda sýdyń az mólsheri jinalǵan. Bul, shamamen 200 million tekshe metr ylǵal jinalǵan Shý aýdanyndaǵy Tasótkel sý qoimasynyń tehnogendik rezervýaryna da qatysty.
Degenmen, «Qazsýshar» RMK oblystyq filialynyń basshysy Qazybek Bedebaevtyń aitýynsha, bul aǵymdaǵy jyly jergilikti sharýashylyqtardyń qajettilikterin qanaǵattandyrý úshin jetkilikti bolýy tiis. Búginde munda bógetti seismikalyq turǵydan nyǵaitý jáne qoimaǵa ylǵal artyǵymen tolǵan jaǵdaida avariialyq sý aǵyzý júiesin qurý boiynsha jumystar júrgizý josparlanyp otyr.
Alaida, oǵan áli erte. Óitkeni, syiymdylyǵy 620 million tekshe metr bolatyn qoimaǵa ylǵal mol bolǵan jyldardyń ózinde 540 million tekshe metr sý jinalǵandyǵy baiqalǵan. Oǵan qosa, atalǵan joba óte qymbat, quny 1,9 milliard teńgege baǵalanýda.
«Eger qoimada kóp mólsherde sý bolmasa, onda avariialyq sý aǵyzý nege kerek? Qazir biz úshin eń bastysy – ylǵaldyń múmkindiginshe kóp mólsherde saqtalýyn qamtamasyz etip, sý máselesinde kórshilerge degen táýeldilikti joiý. Sondyqtan máseleni aýqymdy túrde sheshý kerek», - dedi aimaq basshysy.
Onyń pikirinshe, Tasótkel sý qoimasynyń syiymdylyǵyn 1 milliard tekshe metrge deiin ulǵaitý baǵytynda jobany qaita qaraý qajet. Ol sýarmaly jerlerdiń kólemin edáýir arttyrýǵa múmkindik bermek. Bul mol ónim jinaý, jańa jumys oryndaryn qurý jáne jambyldyqtardy óz azyq-túligimen qamtamasyz etýge múmkindik beredi. Kóktemgi sý tasqyny kezde qumǵa sý jibermes úshin, rezervýardyń túbin tazalap, bógettiń qabyrǵasyn biiktetý kerek. Óńir basshysy eskizdik jospardy ázirleý úshin jobalaýshylardy shaqyrýdy tapsyrdy.
Sondai-aq, Berdibek Saparbaev quny 1,6 milliard teńge bolatyn «A&T energo» kompaniiasynyń sý elektr stantsiiasynyń ekinshi kezeńiniń qurylys barysymen tanysty. Ol joba boiynsha stantsiia qýattylyǵy 4,6-dan 9,2 MVt-qa deiin eselenbek. Búgingi kúni óndiriletin energiia Jambyl elektr jelileri júiesine jiberiledi desek, al energetikalyq kompaniia jyl saiyn aýdandyq biýdjetke 100 million teńgege deiin aýdarady.
