Foto: ashyq derekkóz
Taraz qalasynyń prokýratýrasy múmkindigi shekteýli adamdardyń quqyqtaryn qorǵaý salasyndaǵy zańnamanyń saqtalýyna taldaý júrgizdi, dep habarlaidy Ult.kz.
Taldaýmen 2020 jyldan 2025 jyldyń shildesine deiin Jambyl oblystyq kóp beiindi onkologiia jáne hirýrgiia ortalyǵynda III jáne IV satydaǵy aýrý boiynsha esepte turǵan 49 qala turǵynynyń quqyqtary buzylǵany anyqtaldy.
Atap aitqanda, onkologiiamen aýyratyn naýqastar múgedektik tobyn anyqtaý úshin meditsinalyq-áleýmettik saraptamaǵa jiberilmegen, bul olardyń múgedektik resimdeý jáne tiisti memlekettik áleýmettik tólemder men járdemaqylar alý múmkindiginen aiyrǵan.
Prokýratýranyń qadaǵalaý aktisi boiynsha 49 adam meditsinalyq-áleýmettik saraptamaǵa jiberilip, nátijesinde a.j. qazan aiynan bastap olarǵa I-den III topqa deiin múgedektik taǵaiyndalyp, keiinnen memlekettik qoldaý alýǵa múmkindik berildi.
Jol berilgen zańbuzýshylyqtar úshin 5 dárigerlik-konsýltatsiialyq komissiia tóraǵasy túrli tártiptik jaýapkershilikke tartyldy.
