Jambyl oblysynda politsiia kóligi jaiaý júrginshini qaǵyp ketti. Oqiǵanyń videosy áleýmettik jelide paida boldy, - dep habarlaidy Tengrinews.kz.
"Jambyl oblysynyń Lýgovoi aýylynda politsiia kóligi adam qaǵyp ketti. Qyz zardap shekken joq. Ózderine ózi aiyppul salyp, ári qarai ketip qalǵan shyǵar", - delingen EGOV.PRESS Telegram-arnasyndaǵy video sipattamasynda.
Jambyl oblysynyń Politsiia departamenti derek boiynsha qyzmettik tekserý júrgizilip jatqanyn habarlady.
"Jaiaý júrginshiniń sot-meditsinalyq saraptamadan ótýden bas tartýyna bailanysty politsiia qyzmetkeri QR ÁQBtK-niń 600-baby, 1-bóligi ("Jaiaý júrginshilerge nemese jol qozǵalysynyń ózge de qatysýshylaryna qozǵalysta artyqshylyq bermeý") boiynsha jaýapkershilikke tartyldy. Bul zańbuzýshylyq on ailyq eseptik kórsetkish mólsherinde aiyppul salýǵa ákep soǵady", - dedi oblystyq politsiia ókilderi.
