Foto: QR EM
Jambyl oblysynda jańa óńirlik memlekettik tabiǵi park – «Merke» quryldy. Bul týraly Qazaqstan Respýblikasy Úkimetiniń tiisti qaýlysy qabyldandy, dep habarlaidy Ult.kz.
Park erekshe qorǵalatyn tabiǵi aýmaq mártebesin alyp, 86 632 gektardy qamtityn Batys Tian-Shannyń taý etegi men taýly aimaqtaryndaǵy biregei ekojúielerdi qorǵaýǵa baǵyttalǵan.
«Merke memlekettik óńirlik tabiǵi parkinde» Qazaqstannyń Qyzyl kitabyna engen barys, arqar, úndi jairasy men túrkistan sileýsini siiaqty sirek kezdesetin janýarlar mekendeidi.
Park memlekettik organdardyń, ǵylymi mekemelerdiń, jergilikti qaýymdastyqtardyń jáne BUU Damý baǵdarlamasy halyqaralyq seriktesterdiń kópjyldyq birlesken eńbeginiń nátijesinde boi kóterdi.
Ekologiia jáne tabiǵi resýrstar ministrliginiń Orman sharýashylyǵy jáne janýarlar dúniesi komitetiniń tóraǵasy Daniiar Turǵambaevtiń aitýynsha Merke memlekettik óńirlik tabiǵi parki – tabiǵi resýrstardy utymdy basqarý men ekojúielerdi saqtaý jolyndaǵy mańyzdy qadam.
Park ekotýrizmdi damytýǵa, ekologiialyq bilim berýge jáne halyqty turaqty tabiǵat paidalaný isine keńinen tartýǵa múmkindik beredi. Aldaǵy ýaqytta infraqurylymdy damytý, jańa jumys oryndaryn ashý jáne ǵylymi-tanymdyq baǵdarlamalardy júzege asyrý josparlanýda.
