Foto: Pixabay.com
Jambyl oblysynda oqýshylardyń óliminen keiin birneshe laýazym iesi jazalandy, dep habarlaidy Ult.kz Qazaqstan.tv arnasyna silteme jasap.
Oblys ákimi Erbol Qarashókeev orynbasary Serik Sálemovke sógis jariialady. Al Taraz qalasy men Shý aýdanynyń ákimderine jáne oblystyq Bilim basqarmasynyń basshysyna qatań sógis berildi.
Sondai aq oblys ákimi Taraz jáne Shý aýdanyndaǵy bilim bólimi basshylarynyń ústinen tekserý júrgizýdi talap etti. Budan keiin ýchaskelik politseiler ár eldi mekendegi ahýaldy qatań baqylamaq. Endi qala men aýdan shendileri ár mektep pen kolledjde jasóspirimder qylmysynyń aldyn alý úshin monitoring júrgizedi. Arnaiy top anketa toltyrý arqyly bilim uialarynda buzaqy balalardyń bar-joǵyn bilip, esepke alady.
Eske salaiyq, keshe Tarazda №47 mekteptiń 9-synyp oqýshysy óz qatarlasynyń qolynan qaitys boldy. Ol keýde tusynan alǵan aýyr soqqydan kóz jumdy. Al Shý aýdany Kókqainar aýylynda 10-synyp oqýshysyn joǵary synypta oqityn bala uryp óltirdi degen kúdik bar.
Oqi otyryńyz: Jasóspirimder arasyndaǵy qatygezdik: Mektepterde qaýipsizdik bar ma?
