QR Sybailas jemqorlyqqa qarsy is-qimyl agenttiginiń Jambyl oblysy boiynsha departamenti Ádep jónindegi keńesiniń otyrysynda birneshe jeke ister qaraldy, dep habarlaidy "Ult aqparat".
Jambyl oblysy boiynsha sybailas jemqorlyqqa qarsy vedomstvonyń memlekettik qyzmet salasyn baqylaý basqarmasynda málim etkendei, ádep jónindegi keńes QR Memlekettik qyzmetkerleriniń ádep kodeksiniń talaptaryn buzǵan laýazymdy tulǵalarǵa qatysty tártiptik isterdi qarady.
Osylaisha, Jambyl oblystyq Kóliktegi taýarlardyń jáne qyzmetterdiń sapasy men qaýipsizdigin baqylaý basqarmasy bóliminiń basshysy Álmir Isengeldin ortasha mas kúiinde kólik aidaǵany úshin 3 jylǵa júrgizýshi kýáliginen aiyryldy.
«Á.Isengeldin jasaǵan zańsyzdyǵyn jasyrmai, basshylyqqa is-áreketi jóninde ýaqytynda habar bergeni úshin ádep jónindegi keńestiń músheleri ony eskertý túrindegi táptirtik jaýapkershilikke tartý týraly usynys bildirdi», - dedi Sybailas jemqorlyqqa qarsy is-qimyl agenttigi departamentinde.
Vedomstvoda atap ótkendei, QR Memlekettik qyzmetkerleriniń Ádep kodeksiniń alǵash ret «100 naqty qadam» - Ult josparynda aitylǵan talaptary men normalarynyń saqtalýy memlekettik qyzmetker bolý qoǵam men memleket tarapynan erekshe senimniń nyshany ekenin bildirip, memlekettik qyzmetkerdiń moraldyq-etikalyq beinesine jáne atqaratyn kásibi isine joǵary talap qoiady.
