Jambyl oblysynyń «Aisha bibi» poligonynda Qazaqstan men Reseidiń taýly-egerlik bólimshelerimen birlesken taktikalyq-arnaiy oqý-jattyǵýlar aiaqtaldy, dep habarlaidy "Ult aqparat".
10 qyrkúiekte bastalyp, on kúnge sozylǵan oqý-jattyǵýdyń sońǵy kúni qarýly qaqtyǵysty oqshaýlaý jáne jolyn kesý boiynsha arnaiy áskeri is-qimyldardy ótkizýge arnaldy. Shara barysynda qatysýshylar erekshe kezeń – Qarataý taýlarynan jaiaý ótip, synaldy. Onda áskeri qyzmetshiler taýly-qoryqshy bólimshelerine tán daiyndyq daǵdylaryn kórsetip, uzyndyǵy 60 km bolatyn baǵytty bir táýlik ishinde júrip ótti. Olar belgilengen shart boiynsha taýda túnedi.
«Ońtústik» óńirlik qolbasshylyǵynyń «Teris -Ashybulaq» jáne «Aisha bibi» poligonynda ótti. Áskeri qyzmetshiler jaýyngerlik, taý-egerlik jáne atys daiarlyǵy boiynsha birlesken is-qimyldardy oryndady. Belsendi kezeń barysynda shartty qarýly qaqtyǵysty oqshaýlaý jáne kesip ótý boiynsha arnaiy áskeri operatsiia júrgizildi. Áskeri tehnika kolonnasy «Teris-Ashybulaq» poligonynan «Aisha bibi» poligonyna deiin marshpen ótti.
Aiyryqsha ereksheligi taýly jerlerde áskeri júkterdi tasymaldaý úshin júk attaryn paidalaný boldy. Oqý-jattyǵýǵa Qazaqstan Qarýly Kúshteriniń taý-egerlik bólimshesi, Shekara qyzmeti men Jambyl oblysy Tótenshe jaǵdailar departamentiniń jiyntyq toby, 100-ge jýyq qarý-jaraq pen áskeri tehnika jumyldyryldy.
«Biz árqashan kez kelgen shaqyrýlarǵa daiyn bolýymyz kerek. Osy maqsatta biz kez kelgen qaýip-qaterlerge jedel áreket etý tetigin is júzinde pysyqtaý úshin osyndai oqý-jattyǵý», - dedi «Ońtústik» óńirlik qolbasshylyǵy áskerleriniń qolbasshysy general-maior Qaidar Qaraqulov.
