Jambyl oblysynda imam óziniń kórshisin óltirdi. Er adamnyń denesi qorada tabyldy, dep habarlaidy KTK telearnasy.
"Jambyl oblysynyń turǵyny óziniń kórshisin pyshaqtap óltirdi. Er adam oqiǵa ornynda kóz jumdy", - dedi Jambyl aýdany politsiia bólimi tergeý jónindegi basshysynyń orynbasary Dáýletjan Bektembaev.
Qylmys jasaǵan soń imam óz-ózine qol salǵan.
Qylmystyq kodekstiń 99-shy baby 1-bóligi ("Adam óltirý") jáne 105-shi baby ("Ózin-ózi óltirýge deiin jetkizý") boiynsha qylmystyq is qozǵalǵan. 15 jáne 3 jylǵa deiin bas bostandyǵynan aiyrý qarastyrylǵan.
Qazirgi ýaqytta tergeý júrgizilip jatyr, birqatar saraptama taǵaiyndalǵan.
Politsiia qylmystyń sebebin naqtylaǵan joq. Imam kórshisimen sózge kelip, júregine pyshaq suqty. Qarsylasy ólgenin kórip, óz-ózine qol salǵan.
Eki er adam da 51 jasta, bir synypta oqyǵan.
Aýyl turǵyndary imamdy tek jaqsy qyrynan tanitynyn, alaida onyń qyzýqandy bolǵanyn aitqan.
