Jambyl oblysy Bel temirjol stantsiiasynda "Almaty-Aqtóbe" jolaýshylar poiyzy eki er adamdy basyp ketti, dep habarlaidy kóliktegi politsiia departamentiniń baspasóz qyzmeti.
Qaiǵyly oqiǵa 13 qańtary kúni Jambyl oblysynda boldy.
"Bel temirjol stantsiiasynda "Almaty-Aqtóbe" baǵytyndaǵy jolaýshylar poiyzy eki jumysshyny basyp ketti. Olar oqiǵa ornynda qaza tapty", - delingen kóliktegi politsiia departamentiniń baspasóz qyzmeti taratqan habarlamada.
Oqiǵa ornyna Shý temirjol stantsiiasyndaǵy politsiianyń jedel tergeý toby shuǵyl jetken.
"Qaza tapqan adamdardyń kim ekeni anyqtaldy. Olar – 33 jáne 44 jastaǵy temirjol kompaniiasynyń birinde eńbek etip júrgen jumysshylar. Bul fakt QR qylmystyq kodeksi 344 baby 3-tarmaǵy (temirjol, áýe, teńiz nemese ózen kóligi júrisi nemese olardy paidalaný qaýipsizdigi qaǵidalaryn buzý) boiynsha sotqa deiingi biryńǵai tergeý tizimine tirkeldi. Tiisti saraptamalar taǵaiyndaldy", - delingen habarlamada.
Kóliktegi politsiia departametiniń qyzmetkerleri oqiǵanyń mán-jaiyn anyqtap jatyr.
"Eki jumysshynyń ólimine bailanysty politsiia tergeýdi bastady", - delingen kóliktegi politsiia departamentiniń baspasóz qyzmeti taratqan habarlamada.
Tártip saqshylary adamdarǵa temirjoldan ótken kezde qaýipsizdik erejelerin qatań saqtaýǵa keńes beredi. Sondai-aq kóliktegi politsiia departamenti temirjoldan jaiaý jáne mashinamen ótken kezde arnaiy oryndar arqyly ótý qajettigi jáne temirjoldyń mańaiynda balany qaraýsyz qaldyrmaý kerektigi týraly qatań eskertti.
