Jambyl oblysy Baizaq aýdany Qumjota aýylynda joǵarǵy synyp oqýshylary kishi synyptyń balalaryn urý saldarynan bir bala qaitys boldy. Politsiia osy derekke bailanysty is qozǵady, dep habarlaidy "Ult aqparat".
Qaitys bolǵan balanyń týystarynyń aitýynsha, mektep aýmaǵyndaǵy syrtqy ájethanada 9 synyp oqýshylary tómen synyptyń balalaryn uryp-soqqan. Keýdesinen birneshe soqqy alǵan bala esinen tanyp, birden jan tapsyrǵan.
Jambyl oblysy politsiia departamenti baspasóz qyzmetiniń málimetinshe, kúdikti ýaqytsha ustaý izoliatoryna qamaýǵa alynǵan.
"Oqýshynyń ólimi deregi boiynsha qylmystyq is qozǵaldy. Kúdikti – kámeletke tolmaǵan bala ýaqytsha ustaý izoliatoryna qamaqqa alyndy. Sondai-aq, mektep basshylyǵy men oqytýshy quramǵa qatysty balalardyń densaýlyǵy men ómiriniń qaýipsizdigin qamtamasyz etý boiynsha mindetterdi tiisinshe oryndamaǵany úshin qylmystyq is qozǵaldy. Basqa málimetter tergeý múddesine bailanysty jariialanýǵa jatpaidy", - delingen politsiia habarlamasynda.
