Foto ©️ Tengrinews.kz / Týrar Kazangapov
Jambyl oblysynyń prokýratýrasy 700 million teńgeden astam biýdjet qarajatynyń negizsiz jumsalýyn aldyn aldy, - dep habarlaidy «Ult aqparat» Jambyl oblysynyń prokýratýrasyna silteme jasap.
Qordai aýdanynyń prokýratýrasy biýdjet zańnamasy salasynda júrgizgen taldaý nátijesi boiynsha aýdan ákimdigi qyzmetinde zańbuzýshylyqtardy anyqtady.
"Jergilikti atqarýshy organ rastaityn qajetti qujattarsyz jáne negizdemesiz biýdjettiń shyǵys bóligine 700 million teńgeden astam qarajatty engizgen.
Mysaly, ákimdik shyǵys baǵanasyna sý qubyry liýkterin ornatýǵa 67 million teńge qarajat qarastyrǵan. Alaida shyǵystyń osy baǵytynyń ekonomikalyq negizdemesi aiqyndalmaǵan", - delingen habarlamada.
Nátijesinde prokýrorlyq qadaǵalaý aktisimen 700 million teńgeden astam biýdjet qarajatynyń jumsalýy aldyn alyndy.
Zańbuzýshylyqtarǵa jol bergeni úshin 6 laýazymdy tulǵa tártiptik jaýapkershilikke tartyldy.
