5 sáýir kúni Jambyl oblysynda COVID-2019 juqtyrǵan 17 adam anyqtaldy. Sanitarlyq-epidemiologiialyq jaǵdaidyń kúsheitilgen sharasynyń arqasynda naýqas azamattar der kezinde anyqtalyp, karantinge jatqyzyldy, dep habarlaidy "Ult aqparat" coronavirus2020.kz saityna silteme jasap.
Juqtyrylǵan indet syrttan ákelingen jáne ony naýqastarmen bailanysta bolǵandar juqtyryp alǵan.
Tórt naýqas Úndistannan kelgen reis jolaýshylary. Ushyp kelgen jolaýshylar arnaiy avtobýspen meditsina qyzmetkerleri men politsiianyń baqylaýymen karantindik statsionarǵa jetkizilip, oqshaýlandy. Laboratoriialyq zertteý nátijesi boiynsha 1984, 1996, 1998, 2000 jj. týǵan tórt jolaýshydan infektsiia anyqtaldy.
Qordai aýdanynda úsh jaǵdai tirkeldi. 1975 jáne 1982 jyldary týǵan eki turǵyn Nur-Sultan qalasynyń virýs juqtyrǵan turǵynymen bailanysta bolǵandyqtan karantindik statsionarda jatqan bolatyn. Taǵy bir indet juqtyrǵan 1999 jylǵy azamatsha 23 naýryz kúni Qostanai qalasynan «Qostanai-Almaty» poiyzymen kelgen.
Shekara pýnkterindegi kúsheitilgen sharalarǵa bailanysty Qazaqstanǵa kiretin barlyq azamat karantindik statsionarǵa jatqyzylady, onyń ishinde júk kóliginiń júrgizýshileri de bar. Nátijesinde 10 naýqas anyqtaldy. Olardyń 4-eýi Qyrǵyzstan azamaty bolsa, 6-ýy kórshiles elden júk tasyǵan Qazaqstan turǵyny.
Naýqas azamattardyń barlyǵy infektsiialyq statsionarǵa jatqyzyldy. Bailanysta bolǵan adamdardy anyqtap, oqshaýlaý jáne turǵylyqty mekenjaiy men naýqastardyń barǵan jerlerin dezinfektsiialaý jumystary júrip jatyr.
Eske sala ketsek, koronavirýs infektsiiasynyń jańa jaǵdailary tirkelgennen keiin Jambyl oblysynyń memlekettik bas sanitar dárigeriniń buiryǵymen Qordai aýdany aýmaǵynda 2020 jyldyń 6 sáýirinen bastap turǵyndardyń qyzmeti men ómir saltyna, sharýashylyǵyna erekshe tártip ornatatyn karantin rejimin engizý týraly sheshim qabyldandy.
