Jambyl oblysynda Ekinshi dúniejúzilik soǵys ardagerlerine 1 million teńgeden tólenedi, dep habarlaidy "Ult aqparat" oblys ákiminiń baspasóz qyzmetine silteme jasap.
Jambyl oblysynda Jeńistiń 75 jyldyǵyna merekeleýge arnalǵan is-sharalar jospary bekitildi. Olar onlain-formatta ótedi.
Qyrkúiek aiynda mektepterde patriottyq jáne erlik sabaqtaryn ótkizý josparlanýda.
Búgingi tańda Jambyl oblysynda 57 soǵys ardageri men múgedegi turady. Olardyń árqaisysyna Jeńis kúnine orai 1 million teńge kóleminde áleýmettik kómek kórsetilmek.
Sonymen qatar, UOS qatysýshylary men múgedekterine teńestirilgen 1989 adam 100 myń teńgeden alady. Tyl eńbekkerleri de nazardan tys qalmaǵan. Soǵys jyldarynda tylda 6 aidan astam jumys istegen 4742 adam 50 myń teńgeden alady. Ekinshi dúniejúzilik soǵysqa qatysýshylardyń 337 jesiri men múgedek maidangerlerdiń áielderi de áleýmettik kómek alady. 60 myń teńgeden Leningrad qorshaýynyń úsh burynǵy tutqynyna jáne kontslagerdiń úsh tutqynyna tólenedi.
Sondai-aq, soǵys ardagerleri men tyl eńbekkerlerine Memleket basshysynyń atynan medaldar, alǵys hattar men azyq-túlik sebetteri beriledi.
Jambyl oblysynyń aýmaǵynda 197 Uly Otan soǵysy batyrlaryna eskertkish ornatyldy, onyń 11-i 11 memorialdyq taqta.
Sovet odaǵynyń Batyrlary men «Dańq» ordeni iegerleriniń esimderi oblys boiynsha bir eldi mekenge, úsh aýyldyq okrýgke, 41 nysanǵa, 575 kóshege berilgen.
