Foto: ashyq derekkóz
Qyzylorda oblysynan kúres boiynsha oqý-jattyǵý úshin Jambyl oblysyna kelgen 22 jasóspirim astan ýlanyp aýrýhanaǵa tústi. Derekterge sai, olar shyǵý tegi ázirge anyqtalmaǵan gastroenteritpen ýlanýy múmkin, dep habarlaidy Ult.kz.
Balalar Jambyl oblysyndaǵy demalys aimaǵynan aýrýhanaǵa jetkizilgen. Aldyn ala málimet boiynsha, olar kúres boiynsha oqý-jattyǵý jiyndaryna jattyqtyrýshylarymen birge kelgen. Demalys aimaǵynda 12 men 17 jas aralyǵyndaǵy shamamen 100 bala ornalastyrylǵan.
Ákimdiktiń málimetinshe, taǵamdardan jáne naýqastardan zerthanalyq synamalar alynǵan. Qazir olardyń nátijeleri kútilýde.
Gastroenterit – asqazan men ishektiń shyryshty qabyǵynyń qabynýy. Oǵan virýstar nemese bakteriialar sebep bolýy múmkin. Negizgi belgileri – qusý men ish ótý.
