QR Prezidenti Ákimshiliginiń kelisimimen Jambyl oblysy ákiminiń orynbasary bolyp Erjan Jylqybaev taǵaiyndaldy. Bul týraly "Ult aqparat" ákimdik saityna silteme jasap habarlaidy.
Jylqybaev Erjan Jumatuly 1982 jyly týǵan. Bilimi – joǵary. 2003 jyly M.Áýezov atyndaǵy Ońtústik Qazaqstan memlekettik ýniversitetin ekonomist-menedjer mamandyǵy boiynsha bitirgen. 2006 jyly Qazaqstan Respýblikasy Prezidentiniń janyndaǵy Memlekettik basqarý akademiiasyn memlekettik jáne jergilikti basqarý magistri mamandyǵy boiynsha, 2011 jyly S.Amanjolov atyndaǵy Shyǵys Qazaqstan memlekettik ýniversitetin quqyqtaný mamandyǵy boiynsha támamdaǵan.
Eńbek jolyn 2003 jyly Ońtústik Qazaqstan oblystyq Ekonomika departamentiniń bas mamany bolyp bastaǵan.
Ár jyldary QR Ekonomika jáne biýdjettik josparlaý ministrligi memlekettik aktivter basqarmasynyń saiasat departamentiniń bólim bastyǵy, Shyǵys Qazaqstan oblysy ákiminiń apparat basshysynyń orynbasary, ShQO Semei qalasy ákiminiń orynbasary, Shyǵys Qazaqstan oblysy ákiminiń apparat basshysy, QR Prezidenti Ákimshiliginiń memlekettik inspektory (Jambyl oblysyna jetekshilik etti), Almaty qalasy Medeý aýdanynyń ákimi laýyzymdarynda bolǵan.
2019 jylǵy naýryz aiynan bastap Qazaqstan Respýblikasy Eńbek jáne halyqty áleýmettik qorǵaý birinshi vitse-ministri qyzmetin atqaryp, búgin laýazymynan bosatylǵan edi.
