Qazaqstan Respýblikasynyń Prezidenttigine kandidat retinde Jambyl Aýjanuly Ahmetbekov tiisti qujattaryn tapsyrdy, dep habarlaidy "Ult aqparat" QR Ortalyq sailaý komissiiasynyń resmi saityna silteme jasap.
«2019 jylǵy 26 sáýirde Qazaqstan Respýblikasy Ortalyq sailaý komissiiasyna «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq zańynyń 55-babyna sáikes «Qazaqstan Kommýnistik Halyq partiiasy» qoǵamdyq birlestigi Qazaqstan Respýblikasynyń Prezidenttigine kandidat retinde Jambyl Aýjanuly Ahmetbekovtyń mynadai qujattaryn usyndy:
1. «Qazaqstan Kommýnistik Halyq partiiasy» qoǵamdyq birlestigi joǵary organynyń Qazaqstan Respýblikasynyń Prezidenttikke kandidat usyný jónindegi otyrysynyń hattamasynan úzindi;
2. Jambyl Aýjanuly Ahmetbekovtyń Qazaqstan Respýblikasynyń Prezidenttigine kandidat bolyp daýysqa túsýge kelisim bergeni týraly ótinishi;
3. Ómirbaiandyq derekteri;
4. Qazaqstan Respýblikasy Ortalyq sailaý komissiiasynyń shotyna sailaý jarnasyn engizgenin kýálandyratyn qujat;
5. Jeke basyn kýálandyratyn qujattyń kóshirmesi;
6. Joǵary oqý ornyndaǵy bilimi týraly diplomdarynyń kóshirmeleri;
7. Memlekettik qyzmette jumys tájiribesiniń bar ekenin rastaityn qujattar. Memlekettik tildi erkin meńgergendigin anyqtaityn lingvistikalyq komissiiasynyń otyrysy 2019 jylǵy 27 sáýirge taǵaiyndaldy», - delingen habarlamada.
