Parlament palatalarynyń birlesken otyrysynda Qarjy ministri Erulan Jamaýbaev Jekeshelendirýdiń keshendi josparyna qatysty Esep komitetiniń synyna jaýap berdi, dep habarlaidy "Ult aqparat".
«Esep komiteti Jekeshelendirýdiń keshendi jospary tómen deńgeide iske asyrylǵanyn da atap ótti. Bul kórsetkish 62% qana boldy delingen. Shyn máninde, jospardyń is júzinde oryndalýy 93,4% deńgeiinde qamtamasyz etildi. Josparda barlyǵy 864 obektini satý kózdelgen bolatyn. Al atqarylýy 807 obektini qurady: 506-sy satyldy, 301-i qaita uiymdastyryldy nemese taratyldy. Birqatar kásiporyndar boiynsha neǵurlym muqiiat daiyndyq qajettiligine jáne naryqtyń qolaisyz koniýktýrasyna bailanysty jekeshelendirý merzimin neǵurlym keiingi kezeńge aýystyrýǵa qatysty tiisti sheshim qabyldanǵanyn atap ótý qajet», - dedi Jamaýbaev Úkimet pen Esep komitetiniń 2020 jylǵa arnalǵan respýblikalyq biýdjettiń atqarylýy týraly esepterin qaraý kezinde.
Onyń aitýynsha, qalǵan kásiporyndar 2021 – 2025 jyldarǵa arnalǵan jekeshelendirýdiń keshendi josparyna engizildi.
