پارلامەنت پالاتالارىنىڭ بٸرلەسكەن وتىرىسىندا قارجى مينيسترٸ ەرۇلان جاماۋباەۆ جەكەشەلەندٸرۋدٸڭ كەشەندٸ جوسپارىنا قاتىستى ەسەپ كوميتەتٸنٸڭ سىنىنا جاۋاپ بەردٸ, دەپ حابارلايدى "ۇلت اقپارات".
«ەسەپ كوميتەتٸ جەكەشەلەندٸرۋدٸڭ كەشەندٸ جوسپارى تٶمەن دەڭگەيدە ٸسكە اسىرىلعانىن دا اتاپ ٶتتٸ. بۇل كٶرسەتكٸش 62% قانا بولدى دەلٸنگەن. شىن مەنٸندە, جوسپاردىڭ ٸس جٷزٸندە ورىندالۋى 93,4% دەڭگەيٸندە قامتاماسىز ەتٸلدٸ. جوسپاردا بارلىعى 864 وبەكتٸنٸ ساتۋ كٶزدەلگەن بولاتىن. ال اتقارىلۋى 807 وبەكتٸنٸ قۇرادى: 506-سى ساتىلدى, 301-ٸ قايتا ۇيىمداستىرىلدى نەمەسە تاراتىلدى. بٸرقاتار كەسٸپورىندار بويىنشا نەعۇرلىم مۇقييات دايىندىق قاجەتتٸلٸگٸنە جەنە نارىقتىڭ قولايسىز كونيۋكتۋراسىنا بايلانىستى جەكەشەلەندٸرۋ مەرزٸمٸن نەعۇرلىم كەيٸنگٸ كەزەڭگە اۋىستىرۋعا قاتىستى تيٸستٸ شەشٸم قابىلدانعانىن اتاپ ٶتۋ قاجەت», - دەدٸ جاماۋباەۆ ٷكٸمەت پەن ەسەپ كوميتەتٸنٸڭ 2020 جىلعا ارنالعان رەسپۋبليكالىق بيۋدجەتتٸڭ اتقارىلۋى تۋرالى ەسەپتەرٸن قاراۋ كەزٸندە.
ونىڭ ايتۋىنشا, قالعان كەسٸپورىندار 2021 – 2025 جىلدارعا ارنالعان جەكەشەلەندٸرۋدٸڭ كەشەندٸ جوسپارىنا ەنگٸزٸلدٸ.
