QR Qarjy ministri Erulan Jamaýbaev jalpyǵa birdei salyqtyq deklaratsiialaýdyń negizgi maqsattary men artyqshylyqtaryn aityp berdi, dep habarlaidy "Ult aqparat".
«100 naqty qadam – Ult josparynyń 42 qadamyna sáikes kirister men shyǵystardy jalpyǵa birdei salyqtyq deklaratsiialaý júrgizý kózdelgen. Jalpyǵa birdei deklaratsiialaýdyń maqsaty – jeke tulǵalardyń kiristeri men múlkin baqylaýdyń tiimdi júiesin qurý. Mundai júie kóleńkeli ekonomikaǵa jáne sybailas jemqorlyqqa qarsy kúreske baǵyttalǵan, sondai-aq biýdjetke qosymsha túsimderdi qamtamasyz etýge yqpal etedi», - dedi ministr Úkimettiń búgingi otyrysynda.
Bul rette, salyq salynatyn bazany tómendetý maqsatynda jeke tulǵalar áleýmettik salyq shegerimderin qoldana alady.
«Azamattardyń tiisti shyǵystary bolǵan kezde tabys salyǵynyń mólsherin azaitýǵa múmkindik beredi. Deklaratsiialaý kezeń-kezeńimen, memlekettik qyzmetshilerden bastap, keiinnen barlyq azamattar úshin júrgiziledi», - dedi Qarjy ministri.
Eske sala ketsek, 2021 jylǵy 1 qańtarda jalpyǵa birdei deklaratsiialaý júiesiniń alǵashqy kezeńine memlekettik qyzmetshiler, olarǵa teńestirilgen jubailary engen edi.
