Jalpyǵa birdei deklaratsiia tapsyrǵan 440 memlekettik qyzmetshiniń sheteldik bankterde esepshottary bar. Bul týraly QR Qarjy ministrligi Memlekettik kirister komiteti Tóraǵasynyń orynbasary Jaidar Ińkárbaev aityp berdi, dep habarlaidy QazAqparat.
Onyń aitýynsha, memlekettik qyzmetshiler men olarǵa teńestirilgen adamdar jáne olardyń jubailary ózderiniń jeke aktivteri men mindettemelerin birinshi bolyp deklaratsiialaidy. Osylaisha, jyl basynan beri deklaratsiiany 497 myń adam tapsyrǵan.
«Deklaratsiiany usynǵan 497 myń jeke tulǵanyń 440-ynda 58 eldiń bankterinde esepshottary bar. Aqshanyń jalpy somasy 691 mlrd teńgeni quraidy. Resei Federatsiiasynda, Amerika Qurama Shtattarynda, Shveitsariiada banktik shottardyń eń kóp sany ashylǵan. 494 jeke tulǵa Qazaqstan Respýblikasynan tys 26 elde 666 jyljymaityn múlik obektisin deklaratsiialady, onyń ishinde 436 nysan Reseide, 44 Birikken Arab Ámirlikteri, 38 Túrkiiada jáne t. b. tirkelgen», - dedi spiker Ortalyq kommýnikatsiialar qyzmetinde ótken baspasóz máslihatynda.
Sonymen birge 1030 jeke tulǵa 49 shet memlekette tirkelgen 1198 kólik quralyn, onyń ishinde 292 Reseide, 235 Armeniiada, 221 Japoniiada, 162 Germaniiada jáne t. b. deklaratsiialaǵan.
«47 jeke tulǵanyń bizdiń elden tys 57 zańdy tulǵada qatysý úlesi bar, bul Reseide, Kiprde, Arab Ámirligi jáne t. b. Al 1585 jeke tulǵa 11 elde 1603 jyljymaityn múlik obektisiniń qurylysyna qatysý úlesiniń bar ekenin kórsetti, onyń ishinde Qazaqstanda – 1568.
116 adam investitsiialyq altyndy jariialady, 918 adam 25 elde baǵaly qaǵazdary baryn jariialady, 608 adamnyń 635 investitsiialyq pai qorlarynda pailary bar, 212 adamnyń 218 ziiatkerlik menshik, avtorlyq quqyq obektileri bar jáne 355 adamnyń debitorlyq bereshegi, 578 adamnyń kreditorlyq bereshegi bar», - dedi J. Ińkárbaev.
Spikerdiń aitýynsha, Sybailas jemqorlyqqa qarsy is-qimyl týraly» QR Zańyna sáikes, jeke tulǵalardyń deklaratsiialaryn usyný jónindegi mindet júktelgen tulǵalar, aktivteri men mindettemeleri týraly deklaratsiiaǵa qosymshalarda múlikti senimgerlik basqarýǵa berý týraly málimetter de kórsetiledi. Deklaratsiiada kórsetilgendei, 1 704 jeke tulǵa 2 327 nysandy senimdi basqarýǵa bergen.
Aita keteiik, jalpyǵa birdei deklaratsiialaý erejelerin túsindirý úshin 1414 platformasynda biryńǵai respýblikalyq nómir men salyq jáne keden máseleleri jónindegi bailanys ortalyǵy iske qosylǵan. Odan bólek, jeke tulǵalardyń kiristeri men múlkin jalpyǵa birdei deklaratsiialaýǵa qatysty tolyq aqparatty QR Qarjy ministrligi Memlekettik kirister komitetiniń Kgd.gov.kz resmi saitynyń «Jalpyǵa birdei deklaratsiialaý» bóliminen alýǵa bolady. Áleýmettik jelilerde: Telegram kanaly, Instagram akkaýnty, Facebook parqashalarynda túsindirý jumystary júrgizilýde. Apta saiyn sársenbi kúnderi Memlekettik kirister departamentteri Zoom arqyly «suraq-jaýap» ótedi.
