UFC alańynda synǵa túsip júrgen qazaqstandyq aralas jekpe-jek sheberi Jalǵasy Jumaǵulovtyń kelesi qarsylasy belgili boldy, dep habarlaidy "Ult aqparat" Sports.kz resýrsyna silteme jasap.
Ol - Shvetsiianyń ókili Amir Albazi. Ekeýiniń aiqasy 28 qarashada Amerikanyń Nevada shtaty Las Vegas qalasyndaǵy UFC APEX kesheninde UFC týrniri aiasynda ótedi.
Buǵan deiin Albazi bul jekpe-jek jaily óziniń Instagram paraqshasynda habarlaǵan edi.
Aita keteiik, negizi shved sportshysy braziliialyq Raýlian Paivamen aiqasady dep aitylǵan bolatyn. Alaida Paiva jaraqat alýyna bailanysty týrnirge qatyspaityn boldy.
Esterińizde bolsa, Jalǵas Jumaǵulov óziniń UFC-degi debiýt jekpe-jeginde dál osy Raýlian Paivadan jeńilip qalǵan bolatyn. Onyń qarsylasy UFC-de buǵan deiin úsh kezdesý ótkizip úlgergen.
Eń jeńil salmaqtaǵy jekpe-jek úsh raýndqa eseptelgen. Tóreshilerdiń sheshimimen Jalǵas Jumaǵulov utyldy. Bul - onyń tórtinshi jeńilisi.
