UFC الاڭىندا سىنعا تٷسٸپ جٷرگەن قازاقستاندىق ارالاس جەكپە-جەك شەبەرٸ جالعاسى جۇماعۇلوۆتىڭ كەلەسٸ قارسىلاسى بەلگٸلٸ بولدى, دەپ حابارلايدى "ۇلت اقپارات" Sports.kz رەسۋرسىنا سٸلتەمە جاساپ.
ول - شۆەتسييانىڭ ٶكٸلٸ امير البازي. ەكەۋٸنٸڭ ايقاسى 28 قاراشادا امەريكانىڭ نەۆادا شتاتى لاس ۆەگاس قالاسىنداعى UFC APEX كەشەنٸندە UFC تۋرنيرٸ اياسىندا ٶتەدٸ.
بۇعان دەيٸن البازي بۇل جەكپە-جەك جايلى ٶزٸنٸڭ Instagram پاراقشاسىندا حابارلاعان ەدٸ.
ايتا كەتەيٸك, نەگٸزٸ شۆەد سپورتشىسى برازيلييالىق راۋليان پايۆامەن ايقاسادى دەپ ايتىلعان بولاتىن. الايدا پايۆا جاراقات الۋىنا بايلانىستى تۋرنيرگە قاتىسپايتىن بولدى.
ەستەرٸڭٸزدە بولسا, جالعاس جۇماعۇلوۆ ٶزٸنٸڭ UFC-دەگٸ دەبيۋت جەكپە-جەگٸندە دەل وسى راۋليان پايۆادان جەڭٸلٸپ قالعان بولاتىن. ونىڭ قارسىلاسى UFC-دە بۇعان دەيٸن ٷش كەزدەسۋ ٶتكٸزٸپ ٷلگەرگەن.
ەڭ جەڭٸل سالماقتاعى جەكپە-جەك ٷش راۋندقا ەسەپتەلگەن. تٶرەشٸلەردٸڭ شەشٸمٸمەن جالعاس جۇماعۇلوۆ ۇتىلدى. بۇل - ونىڭ تٶرتٸنشٸ جەڭٸلٸسٸ.
