Elimizde osy jyldyń basynan beri koronavirýs infektsiiasyna qarsy jalǵan vaktsinatsiia pasportyn jasaýdyń 207 faktisi tirkeldi. Bul jaiynda QR Ishki ister ministrliginen málim etti, dep habarlaidy QazAqparat.
«Jalǵan vaktsina pasporttary men PTR-anyqtamasyn daiyndaý jáne satýmen ainalysatyn adamdardy anyqtaý maqsatynda Ishki ister ministrliginiń jaýapty qurylymdyq bólinisteri tiisti jumystardy únemi júrgizip keledi. Jalǵan qujattardy satý boiynsha berilgen habarlandyrýlardy anyqtaý úshin internet jelisine, áleýmettik jelilerge jáne messendjerlerge monitoring júrgiziledi», - dep atap ótedi ministrlikten.
Vedomstvo málimetinshe, jyl basynan beri ishki ister organdarynda barlyǵy 321 is tirkeldi.
Onyń ishinde PTR-testi qoldan jasaý boiynsha – 114 fakt, vaktsina pasporttaryn qoldan jasaý boiynsha 207 fakt bar.
«Bul quqyq buzýshylyq úshin QR Qylmystyq kodeksiniń 385-baby boiynsha jalǵan qujat jasaǵandarǵa 4 jylǵa deiin bas bostandyǵynan aiyrý túrindegi qylmystyq jaýapkershilik, al ony paidalanǵany úshin 40 táýlikke deiin qamaýǵa alý qarastyrylǵan», - delingen taratylǵan aqparatta.
