Jalǵan pasport alǵan adamdar vaktsina saldyra alady. Bul týraly onlain brifing barysynda Almaty qalasy Sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin málim etti, dep habarlaidy QazAqparat.
«Biz raqymshylyq jasadyq. Jalǵan pasport satyp alyp, qatelik jibergenderdi jaýapqa tartpaimyz. Olar vaktsina pýnkterine baryp ekpe saldyra alady. Eń bastysy, olar qateleskenderin túsindi. Vaktsinatsiia barlyq adamdar úshin aqysyz. Bizdiń mindet - olardy jazalaý emes. Desek te vaktsinatsiia tólqujatyn satyp alǵandar sebebin túsindirýi kerek», - dedi Jandarbek Bekshin.
Almaty qalalyq qoǵamdyq densaýlyq saqtaý basqarmasy bastyǵynyń orynbasary Svetlana Sultanǵazievanyń aitýynsha, dárigerler halyqtyń vaktsina alǵanyn jón kóredi.
«Biz qansha azamat vaktsina tólqujatyn satyp alǵanyn bilmeimiz. Biz dárigerler halyq jappai vaktsinatsiialanýy kerek dep esepteimiz. Sonymen qatar, raqymshylyq jasaý ideiasyn qoldaimyz. Koronvirýsty juqtyrǵan naýqasty emdegenen góri, vaktsina salyp aldyn alǵan jaqsy», - dedi dáriger.
