جالعان پاسپورت العان ادامدار ۆاكتسينا سالدىرا الادى. بۇل تۋرالى ونلاين بريفينگ بارىسىندا الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى, قالانىڭ باس مەملەكەتتٸك سانيتار دەرٸگەرٸ جانداربەك بەكشين مەلٸم ەتتٸ, دەپ حابارلايدى قازاقپارات.
«بٸز راقىمشىلىق جاسادىق. جالعان پاسپورت ساتىپ الىپ, قاتەلٸك جٸبەرگەندەردٸ جاۋاپقا تارتپايمىز. ولار ۆاكتسينا پۋنكتەرٸنە بارىپ ەكپە سالدىرا الادى. ەڭ باستىسى, ولار قاتەلەسكەندەرٸن تٷسٸندٸ. ۆاكتسيناتسييا بارلىق ادامدار ٷشٸن اقىسىز. بٸزدٸڭ مٸندەت - ولاردى جازالاۋ ەمەس. دەسەك تە ۆاكتسيناتسييا تٶلقۇجاتىن ساتىپ العاندار سەبەبٸن تٷسٸندٸرۋٸ كەرەك», - دەدٸ جانداربەك بەكشين.
الماتى قالالىق قوعامدىق دەنساۋلىق ساقتاۋ باسقارماسى باستىعىنىڭ ورىنباسارى سۆەتلانا سۇلتانعازيەۆانىڭ ايتۋىنشا, دەرٸگەرلەر حالىقتىڭ ۆاكتسينا العانىن جٶن كٶرەدٸ.
«بٸز قانشا ازامات ۆاكتسينا تٶلقۇجاتىن ساتىپ العانىن بٸلمەيمٸز. بٸز دەرٸگەرلەر حالىق جاپپاي ۆاكتسيناتسييالانۋى كەرەك دەپ ەسەپتەيمٸز. سونىمەن قاتار, راقىمشىلىق جاساۋ يدەياسىن قولدايمىز. كورونۆيرۋستى جۇقتىرعان ناۋقاستى ەمدەگەنەن گٶرٸ, ۆاكتسينا سالىپ الدىن العان جاقسى», - دەدٸ دەرٸگەر.
