Elimizde «Qaýipsiz jol» aldyn alý is-sharasy aiaqtaldy. Bul týraly QR IIM baspasóz qyzmetiniń ókili Shuǵyla Turlybek aitty, dep habarlaidy QazAqparat.
«Ótken aptanyń sońynda IIM ótkizetin «Qaýipsiz jol« aldyn alý is-sharasy aiaqtaldy. 10 kún ishinde jol qozǵalysyn qadaǵalaý kezinde jol qozǵalysy erejelerin buzýdyń 122,5 myń jaǵdaiy tirkeldi. Onyń ishinde kólikti mas kúiinde basqarýdyń 953 faktisi, júrgizýshi kýáligi joq 2 643 júrgizýshi anyqtaldy. Politsiia jyldamdyqty asyrǵany úshin 7 807, qarsy jolaqqa shyqqany úshin - 398, avariialyq jaǵdai týǵyzǵany úshin - 1 647 jáne baǵdarshamnyń tyiym salatyn belgisine júrip ótkeni úshin 2 145 adamdy jaýapqa tartty», - dedi ol QR IIM baspasóz alańynda ótken brifing barysynda.
Onyń atap ótýinshe, 6 908 júrgizýshi kólikti tehnikalyq tekserýsiz basqarsa, 91 avtomobilde jalǵan nómirler anyqtalǵan. Jol erejesin buzǵan 21 myńǵa jýyq jaiaý júrginshi jaýapqa tartylǵan.
«Qoǵamdyq jolaýshylar kóligi júrgizýshileri jibergen 1 464 buzýshylyq, onyń ishinde 1567 zańsyz qaita jabdyqtaý faktisi jáne 198 kóliktiń reis aldyndaǵy tehnikalyq tekserýden ótpegeni anyqtaldy. Avtojoldardyń 10,5 myń shaqyrymnan astam avariialyq-qaýipti ýchaskeleri tekserildi, 1306 jol belgileri qoiyldy», - dedi Shuǵyla Turlybek.
