ەلٸمٸزدە «قاۋٸپسٸز جول» الدىن الۋ ٸس-شاراسى اياقتالدى. بۇل تۋرالى قر ٸٸم باسپاسٶز قىزمەتٸنٸڭ ٶكٸلٸ شۇعىلا تۇرلىبەك ايتتى, دەپ حابارلايدى قازاقپارات.
«ٶتكەن اپتانىڭ سوڭىندا ٸٸم ٶتكٸزەتٸن «قاۋٸپسٸز جول« الدىن الۋ ٸس-شاراسى اياقتالدى. 10 كٷن ٸشٸندە جول قوزعالىسىن قاداعالاۋ كەزٸندە جول قوزعالىسى ەرەجەلەرٸن بۇزۋدىڭ 122,5 مىڭ جاعدايى تٸركەلدٸ. ونىڭ ٸشٸندە كٶلٸكتٸ ماس كٷيٸندە باسقارۋدىڭ 953 فاكتٸسٸ, جٷرگٸزۋشٸ كۋەلٸگٸ جوق 2 643 جٷرگٸزۋشٸ انىقتالدى. پوليتسييا جىلدامدىقتى اسىرعانى ٷشٸن 7 807, قارسى جولاققا شىققانى ٷشٸن - 398, اۆارييالىق جاعداي تۋعىزعانى ٷشٸن - 1 647 جەنە باعدارشامنىڭ تىيىم سالاتىن بەلگٸسٸنە جٷرٸپ ٶتكەنٸ ٷشٸن 2 145 ادامدى جاۋاپقا تارتتى», - دەدٸ ول قر ٸٸم باسپاسٶز الاڭىندا ٶتكەن بريفينگ بارىسىندا.
ونىڭ اتاپ ٶتۋٸنشە, 6 908 جٷرگٸزۋشٸ كٶلٸكتٸ تەحنيكالىق تەكسەرۋسٸز باسقارسا, 91 اۆتوموبيلدە جالعان نٶمٸرلەر انىقتالعان. جول ەرەجەسٸن بۇزعان 21 مىڭعا جۋىق جاياۋ جٷرگٸنشٸ جاۋاپقا تارتىلعان.
«قوعامدىق جولاۋشىلار كٶلٸگٸ جٷرگٸزۋشٸلەرٸ جٸبەرگەن 1 464 بۇزۋشىلىق, ونىڭ ٸشٸندە 1567 زاڭسىز قايتا جابدىقتاۋ فاكتٸسٸ جەنە 198 كٶلٸكتٸڭ رەيس الدىنداعى تەحنيكالىق تەكسەرۋدەن ٶتپەگەنٸ انىقتالدى. اۆتوجولداردىڭ 10,5 مىڭ شاقىرىمنان استام اۆارييالىق-قاۋٸپتٸ ۋچاسكەلەرٸ تەكسەرٸلدٸ, 1306 جول بەلگٸلەرٸ قويىلدى», - دەدٸ شۇعىلا تۇرلىبەك.
