Vaktsina pasporty virýstan qorǵai almaidy. Ony qoldan jasatqandardyń bári túbi bir áshkere bolady. Densaýlyq saqtaý ministri Aleksei Tsoi qazaqstandyqtarǵa osyndai úndeý tastady, dep habarlaidy "Ult aqparat".
«Qazir vaktsina pasportyn qoldan jasaý áreketterimen qatty kúresip jatyr. Biz bul iske quqyq qorǵaý organdaryn aralastyrý týraly bastama kótergen bolatynbyz. Memleket basshysy bul máselemen naqty ainalysýdy tapsyrǵanyn bilesizder. Qazirdiń ózinde 60-tan astam qylmystyq is qozǵaldy. Mundai áreketterdiń joly qatań túrde kesilip jatyr. Jarnamalaǵan saittar birden buǵattalýda. Ony ornalastyrǵan adamdar qylmystyq qýdalaýǵa alynady. Qazir vaktsina pasportyn jarnamalaǵan málimetter saýsaqpen sanaityndai deńgeige túskenin kórip otyrmyz. Árbir jarnama joiylyp, onyń artyndaǵy adamdy anyqtaýǵa jedel ýákilder kirisip jatyr. Qazir usynystardyń sany azaidy. Óitkeni qatań sharalar qabyldanyp jatyr. Buǵan deiin sanasyna jetpegender bul áreket qatty qýdalanyp jatqanyn túsindi», - degen ministr jalǵan vakina pasportyn satyp alýdy oilap júrgenderge qaiyryldy.
«Jalǵan pasport adamdy koronavirýstan qorǵamaidy. Reanimatsiiaǵa túsýden qorǵaityn qabileti joq jalǵan qujattyń. Bul óz-ózińdi aldaý ǵana. Jalǵan qujat jasatqandardyń bári erte me, kesh pe, bári bir áshkere bolady. Óitkeni biz sáikestendirý jumystaryn júrgizip jatyrmyz. Vaktsina satyp alýǵa tyrysqandardyń bári qatań jazalanatyn bolady. Barsha azamattardy tártip saqtap, zańnan attamaýǵa úndeimin», - dedi vedomstvo basshysy.
