Jalǵan aqparat taratyp, dúrbeleń týǵyzatyndar zańǵa sáikes jaýapqa tartylady. Bul týraly elimizde tótenshe jaǵdai engizilýine bailanysty televiziia arqyly úndeý jasaǵan Memleket basshysy Qasym-Jomart Toqaev aitty, dep habarlaidy "Ult aqparat".
«Biz el-jurtty dúrliktiretin, arandatatyn áreketterge tyiym salamyz. Jalǵan aqparat taratyp, dúrbeleń týǵyzatyndar zańǵa sáikes jaýapqa tartylady. Buqaralyq aqparat quraldary, internet-resýrstar tek resmi málimetterge súienip, jumys isteýi kerek. Biz osy jahandyq keselge qarsy turý úshin kúsh-jigerimizdiń myqty ekenin kórsetýimiz qajet. Tatýlyq pen tutastyqtyń arqasynda kez kelgen qiyndyqtan shyǵýǵa bolady. Sondyqtan bárimiz bir adamdai jumylyp, qaýipti indetpen kúresýimiz qajet. Bereke men birlik bárin de jeńedi», - dedi Qasym-Jomart Toqaev.
