Foto: ortcom.kz
"Áleýmettik meditsinalyq saqtandyrý qorynyń" basqarma tóraǵasy Sábit Ahmetov qorda jalaqy az bolǵandyqtan, kadrlar jii aýysatynyn aitty, dep habarlaidy "Ult aqparat" Sputnik Qazaqstan agenttigine silteme jasap.
Ahmetovtyń sózinshe, qor qyzmetkerleri júktemeniń shamadan tys kóp bolǵanyna shydai almaǵandyqtan ketip jatyr.
"2022 jyldyń qorytyndysy boiynsha qyzmetkerlerge orta eseppen 9 mlrd teńgeden astam qarjy jumsaldy. Bul ortalyq apparat, aýmaqtyq bólimshelerdiń qyzmetkerlerin qosa alǵanda shamamen 1000 adamdy quraidy. Bizdiń barlyq óńirlerde filialymyz bar. Onda 700-ge jýyq adam jumys isteidi. Ortasha jalaqy – shamamen 450 myń teńge. Aita ketý kerek, bul - úlken kólemdi qarajat emes. Bizde jyl saiynǵy kadr tapshylyǵy 22 paiyzdy quraidy. Bul degenimiz - árbir besinshi adam jumystan shyǵady degen sóz.
Jumys kólemi óte úlken, jumys qiyn, soǵan sáikes olar shydai almai ketip qalady. Meniń oiymsha eger jalaqy joǵary bolsa, adamdar jumystan shyǵyp ketpes edi", - dedi Sábit Ahmetov ortalyq kommýnikatsiialar qyzmetinde ótken brifingte.
