Joǵarǵy sot tóraǵasy Jaqyp Asanov óńir basshysy Ómirzaq Shókeevpen birge «Nur Otan» partiiasy oblystyq filialynyń «Open Space» formatynda ashylǵan qoǵamdyq qabyldaý keńsesiniń jumysymen tanysty, dep habarlaidy "Ult aqparat" oblys ákiminiń baspasóz qyzmetine silteme jasap.
Qala ortalyǵynda ornalasqan keńsede oblys turǵyndary elektrondy túrde aryz-shaǵymyn tirketip, tiisti jaýabyn ala alady. Qonaqtardy qoǵamdyq qabyldaý keńsesimen partiianyń oblystyq filialy tóraǵasynyń birinshi orynbasary Beisen Tájibaev tanystyryp, atqarylyp jatqan jumystardy baiandady. «Nur Otan» partiiasynyń tóraǵasy Nursultan Nazarbaev «Nur Otan» partiiasy Saiasi Keńesiniń keńeitilgen otyrysynda «Senim. Dialog. Bolashaqqa nyq qadam» – «Nur Otan» partiiasynyń 7 serpini» atty partiia jumysyn júieli jańǵyrtý baǵdarlamasyn usynǵan bolatyn. Osy oraida, Qoǵamdyq qabyldaý turǵyndardyń sheshimin tappaǵan máselelerin sheshýge atsalyspaq.
Aita keteiik, mundai formattaǵy qabyldaý oblys basshysy Ómirzaq Shókeevtiń bastamasymen Túrkistanda ashylyp otyr. On kúnniń ishinde «Open Space» formatynda ashylǵan qoǵamdyq qabyldaýǵa 184 azamat ótinish bildirgen. Sondai-aq dál osy jerde aimaq basshysynyń ózi de halyqpen kezdesip, olardyń máselesin sheshýge yqpal etedi.
Sondai-aq joǵary sot tóraǵasy oblys ákimi Ómirzaq Estaiulynyń bastamasymen ashylǵan Túrkistan oblysynyń aimaǵyn damytý jobalyq keńsesiniń jumysymen tanysty. Jobalyq keńse búginde 2 myńnan astam jobany iske asyrýda. Zamanaýi jobalyq tásilderdi praktikada qoldana otyryp, memlekettik basqarý júiesine engizý de - j obalyq keńseniń basty mindeti. Mundaǵy jumys barysymen tanysqan elimizdiń bas sýdiasy dál osyndai ortalyqtardyń sanyn arttyryp, aldaǵy ýaqytta jastardy kóbirek joba jasaýǵa tartý kerek ekenin aita ótti.
Sonymen qatar Jaqyp Asanov Túrkistan oblysynyń ákimi Ómirzaq Shókeevpen birge oblystyq sot ǵimaratynyń irgetasyn qalady. Josparǵa sáikes, jobanyń qurylysy 2021 jyly tolyq aiaqtalmaq.
