QR Joǵarǵy sotynyń tóraǵasy Jaqyp Asanov Qazaqstanda eń birinshi bolyp memlekettik organdardyń birinshi basshylaryna - áriptesterine hat jazý tájiribesin engizdi. Bul jaiynda QR Joǵarǵy sotynyń Sottardyń qyzmetin qamtamasyz etý departamenti aqparattyq qamtamasyz etý bóliminiń meńgerýshisi Bolat Kalianbekov Feisbýktegi paraqshasynda jazdy, dep habarlaidy QazAqparat tilshisi.
«Jaqyp Qajymanuly Joǵarǵy sotqa kelgen sátinen bastap kommýnikatsiia máselesine basym nazar aýdardy. Bul rette negizgi quraldardyń biri onyń áriptesterine hat jazýy boldy. 8 ailyq jumysynyń ishinde ol 5 hat jazdy. Olardyń árqaisysynyń naqty taqyryby men mindeti bar», - dedi B.Kalianbekov.
Onyń aitýynsha, «Az jasalǵan joq, birge jalǵastyramyz!» dep atalatyn birinshi hat 2017 jyldyń 20 jeltoqsanynda jazylǵan. 2017 jyldyń 28 jeltoqsanyndaǵy ekinshi haty «Qazaqstannyń advokattary men prokýrorlaryna» dep atalǵan. Bul hattarda J.Asanov sottardyń jumysyn jaqsartý úshin ashyq suhbat bastaýdy usynady. Jaýap retinde Joǵarǵ
«Ne isteimiz, ne isteitin bolamyz jáne nelikten?» dep atalatyn úshinshi hat 2018 jyldyń naýryzynda jazylǵan. Onda J.Asanov sot júiesin jańǵyrtý boiynsha júrgizilip jatqan jumystar jaiynda baiandaidy. Bas prokýror 2018 jyldyń 26 sáýirinde jazǵan besinshi hatynda sot júiesin jańǵyrtý jaiyndaǵy áńgimesin odan ary jalǵastyrǵan. Sot aktileriniń sapasyna erekshe nazar aýdaryp, úzdik sot aktileri baiqaýynyń bastalǵanyn jáne onyń maqsatyn jan-jaqty ashyp kórsetken.
Al «Sizben bizdiń jaýapkershiligimiz jaiynda. Kásibi ári jeke» dep atalatyn besinshi hat 2018 jyldyń 13 tamyzynda jazylǵan. Onda Joǵarǵy sot tóraǵasy sýdialardy sot ádildigin shyǵarý barysynda zań men ar-ojdandy basshylyqqa alýǵa shaqyrǵan.
B.Kalianbekovtiń aitýyna qaraǵanda, memlekettik organdardyń birinshi basshylaryna hat jazý tájiribesi Qazaqstanda alǵash ret qoldanylyp otyr. J.Asanovtyń barlyq hattary buqaralyq aqparat quraldarynda jariialanǵan.
