Koronavirýs - úsh infektsiianyń qosyndysy. Mundai pikirdi M.Ospanov atyndaǵy Batys Qazaqstan meditsinalyq ýniversiteti AQ direktorlar keńesiniń tóraǵasy, meditsina ǵylymdarynyń doktory, professor Jaqsylyq Dosqaliev bildirdi, dep habarlaidy QazAqparat.
«Koronavirýs - 3 birdei infektsiianyń qosyndysy. Birinshiden, virýs qandy uiytady. Ásirese, jińishke, kapilliar tamyrlardaǵy qan uiyp, tromboz (qan ainalymynyń baiaýlaýy) paida bolady. Adam maliariia aýrýyna shaldyqqanda onyń densaýlyǵynda dál osyndai simptomdar baiqalady.
Ekinshiden, bul AITV (adamnyń immýntapshylyǵy virýsy) aýrýy siiaqty adamnyń immýndyq júiesin buzady. Indet aǵzadaǵy infektsiiaǵa qarsy turatyn T jáne B limfotsitterdi joiyp jiberedi.
Úshinshiden, tumaý siiaqty adamnyń tynys joldaryn, ókpesin zaqymdaidy. Al ókpe – ashyq organ jáne ol syrtqy aýamen tikelei bailanysty. Sondyqtan koronavirýstyń eń alǵashqy ziian keltiretin nysanasy – ókpe. Keiin baýyr, búirek, júrektiń jumysyn nasharlatady. Ókpe isten shyqqannan soń, adam aǵzasynda ottegi jetispeýshiligi paida bolady. Al ottegine óte táýeldi organ – adamnyń miy. Organizmde 15 minýt ottegi bolmasa, mi qaita tirilmeidi», - dedi Jaqsylyq Aqmyrzauly.
Hirýrg-transplantologtyń aitýynsha, koronavirýs búirek, baýyr jáne júrektiń jumysyn buzady. Degenmen atalǵan organdar indet juqtyryp emdelip shyqqanan keiin birneshe jyldan soń syr berýi múmkin. Sebebi búirek pen baýyr derti uzaq merzimdi aýrýlar qataryna jatady. Máselen, búirek aýrýy bastalǵannan onyń transplantatsiiasyna deiin 3 jyl ýaqyt ótedi. Bul aralyqta naýqas «Jasandy búirek» dep atalatyn arnaiy apparat kómegi arqyly amaldaidy. Al baýyr derti 3-4 jylǵa sozylýy múmkin jáne ony kóp adam baiqai bermeidi.
