© Photo: Pixabay
Ulytaý oblysynda áleýmettik mekeme basshysy sol jerde turatyn zeinetkerler men múgedekterdiń qarajatyn urlaýmen ainalysqan, - dep habarlaidy "Ult aqparat" Qarjy monitoringi agenttigine silteme jasap.
Áleýmettik mekemeniń basshysy men qyzmetkerlerinen quralǵan bir top tulǵanyń zańsyz áreketterin QMA aýmaqtyq departamenti áshkerelegen.
"Qazirgi ýaqytta jalpy somasy 12 million teńgeden astam asa iri kólemdegi alaiaqtyq faktisi boiynsha sotqa deiingi tergeý amaldary júrgizilip jatyr.
Áleýmettik mekeme, sondai-aq sottalýshylardyń turǵylyqty meken-jailaryn tintý kezinde qariialardyń 799 000 teńge kólemindegi zeinetaqy tólemderi, olarǵa tiesili bank kartalary, odan bólek atalǵan tulǵalardyń qylmystyq áreketterin dáleldeitin basqa da zattar men qujattar tárkilendi", - delingen habarlamada.
Tolyq jáne jan-jaqty tergeýge kedergi keltirý, sondai-aq qylmystyń izin jasyrý jáne joiý áreketterine bailanysty atalǵan mekemeniń basshysy ustalyp, ýaqytsha ustaý izoliatoryna qamalǵan.
"Sot 2 aiǵa deiin qamaýǵa alý túrindegi bultartpaý sharasyna sanktsiia berdi. QR QPK 201 babyna sáikes basqa málimetter jariia etýge jatpaidy" - delingen agenttik habarlamasynda.
