Elordalyq politseiler kezekti bir urlyqty ashty, – dep habarlaidy Polisia.kz.
79 jastaǵy áiel politsiiaǵa aryzben júginip, belgisiz er adamnyń 90 myń teńge aqshasyn alyp ketkenin habarlady.
Zeinetker dúkennen kele jatqanda oǵan beitanys er adam jaqyndap, aýyr sómkesin kóterýge kómegin usynǵan. Áiel kelisken. Jolda sóilesip kele jatyp, er adam qalalyq aýrýhanada jumys isteimin dep, zeinetkerge massaj jasap berýdi usynǵan. Azamatsha eshteńeden kúmándanbastan, er adamdy úiine alyp barǵan. Er adam massaj jasap bolǵannan keiin jábirlenýshiniń sómkesinen aqshany alyp, izin sýytqan.
Aryzdanýshynyń mekenjaiy boiynsha jedel-tergeý toby shyqqan. Qylmys ornyn qaraý barysynda “Saryarqa” aýdany PB kriminalisi, kapitan Almat Abdiev kúdiktiniń qol saýsaqtarynyń izin alǵan. Politsei jýynatyn bólmeden izderdi tapqan. Qylmyskerdiń qol saýsaqtarynyń izi derekter bazasynda bolǵandyqtan, tez arada sáikestendirildi.
Jedel-izdestirý sharalary barysynda politseiler buryn urlyq jasap sottalǵan 40 jastaǵy er adamdy ustady.
Qazirgi ýaqytta kúdikti kinásin moiyndady jáne PD ýaqytsha ustaý izoliatoryna qamaldy.“Urlyq” babymen sotqa deiingi tergep-tekserý júrgizilip jatyr.
