QR QM Memlekettik kirister komiteti turǵyn úi jaǵdaiyn jaqsartýǵa, qymbat em qabyldaýǵa aqy tóleýge zeinetaqy jinaqtarynyń bir bóligin paidalaný barysynda salyqtandyrý tártibin túsindirdi.
Bul maqsattarǵa birjolǵy zeinetaqy tólemderine salyq salýdyń jeke tártibi kózdelgen, dep habarlaidy "Ult aqparat" QR Qarjy ministrligi Memlekettik kirister komitetiniń baspasóz qyzmetine silteme jasap.
Baspasóz qyzmetiniń málimetterine qaraǵanda, jeke tabys salyǵyn (JTS) «Biryńǵai jinaqtaýshy zeinetaqy qory» AQ (BJZQ) jeke tulǵanyń tańdaýy boiynsha eki tásildiń birimen JTS ustap qalady:
1) BJZQ ýákiletti operatorǵa aýdarǵan kezde - bir ret;
2) BJZQ belgilegen keste boiynsha (zeinetaqy aýdarý bastalǵan kelesi aidan bastap) 16 jyldan aspaityn merzim ishinde ai saiyn teń úlestermen júzege asyrylady.
Mysaldar keltireiik:
salymshynyń jeke zeinetaqy shotyndaǵy zeinetaqy jinaqtarynyń somasy =
8 500 000 teńge;jetkiliktilik shegi = 3 500 000 teńge;
birjolǵy zeinetaqy tólemi = 5 000 000 teńge (8 500 000 -3 500 000).
JTS tóleýdiń 1-tásili:
eseptelgen JTS somasy = 5 000 000 (tolyq kólemde) * 10%= 500 000 teńge;
ustap qalýǵa jáne biýdjetke aýdarýǵa JTS somasy= 500 000 teńge;
birjolǵy zeinetaqy tólemi túrindegi kiris somasy = 4 500 000 teńge (5 000 000 – 500 000).
JTS tóleýdiń 2-tásili:
eseptelgen JTS somasy = 5 000 000 (tolyq kólemde) * 10%= 500 000 teńge;
birjolǵy zeinetaqy tólemi túrindegi kiris somasy = 5 000 000 teńge.
JTS zeinetaqydan ustalatyn bolady.
«JTS ustap qalýdyń ekinshi tásilin tańdaǵan kezde (zeinetaqyny aýdarý kezinde keiinge qaldyra otyryp) keiinge qaldyrýdy alǵannan keiin bolǵan jaǵdailar boiynsha JTS ustap qalý boiynsha jekelegen erejeler belgilengen:
- QR aýmaǵynan tys jerlerge turaqty turýǵa ketken kezde - zeinetaqy tóleminiń somasynan bir ret;
- zeinetaqy jinaqtarynyń somalaryn saqtandyrý uiymdaryna aýdarý kezinde - zeinetaqy tóleminiń somasynan bir ret;
- qaitys bolǵan jaǵdaida - muragerlerdiń muraǵa qaldyrǵan zeinetaqy jinaqtarymen bir mezgilde», - dep MKK-de tolyqtyrdy.
