enpf-otbasy.kz onlain-platformasynda «BJZQ-ǵa qarajatty qaitarý» batyrmasy iske qosyldy, dep habarlaidy "Ult aqparat" Otbasy bankine silteme jasap.
«enpf-otbasy.kz onlain-platformasynda «BJZQ-ǵa qarajatty qaitarý» batyrmasy iske qosyldy. Endi, ótinimdi qate jibergen bolsańyz nemese oiyńyzdan ainyǵan bolsańyz, arnaiy shotqa túsken qarajatty BJZQ-ǵa qaitarý úshin 45 kún kútýdiń qajeti joq. Ony platformadaǵy jeke kabinetińih arqyly ońai jasai alasyz», - delingen habarlamada.
Qarajatty úsh qadammen qaitarýǵa bolady.
1. enpf-otbasy.kz onlain platformasyna jeke ETsQ arqyly kirińiz;
2. Joiǵyńyz keletin ótinimdi ashyńyz;
3. BJZQ-ǵa qarajatty qaitarý dep atalatyn qyzǵylt sary batyrmany basyńyz.
3 jumys kúni ishinde sizdiń arnaiy shotyńyzdaǵy qarajat zeinetaqy shotyńyzǵa qaitarylady. Aqsha túskennen keiin, qajet bolǵan jaǵdaida, siz qaitadan birjolǵy zeinetaqy tólemin alýǵa ótinim joldai alasyz.
Eger sizdiń ótinimińiz maquldanǵan bolsa jáne sizdiń arnaiy shotyńyzda qaldyq aqshańyz qalsa, onda qarajatty merziminen buryn qaitarýǵa bolmaidy.
Qaldyq soma 45 kúnnen keiin zeinetaqy shotyńyzǵa avtomatty túrde qaitarylatyn bolady.
Eske salsaq, 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
23 qańtardan Qazaqstanda zeinetaqynyń bir bóligin alýǵa ótinim qabyldaý bastaldy.
