Biryńǵai jinaqtaýshy zeinetaqy qory (BJZQ)turǵyn úi jaǵdailaryn jaqsartý úshin qazaqstandyqtardyń shottaryna 112,3 milliard teńgeden astam qarjy aýdardy, dep habarlaidy "Ult aqparat".
BJZQ aqparatyna sáikes, 1 jáne 2 aqpanda, iaǵni biryńǵai zeinetaqy tólemderin júzege asyrýdyń alǵashqy eki kúninde BJZQ qazaqstandyqtardyń ýákiletti operatorlarda ashylǵan arnaiy shottaryna 112,3 milliard teńgeden astam qarjy aýdardy.
«Osylaisha «Otbasy bank» turǵyn úi qurylys jinaq banki» AQ jáne «Qazaqstan Halyq banki» AQ ýákiletti operatorlarynan BZT alý boiynsha kelip túsken 20 252 ótinim oryndaldy», - delingen aqparatta.
Eske salaiyq, zeinetaqy jinaǵyn turǵyn úi jaǵdaiyn jaqsartý jáne (nemese) emdelýge aqy tóleý maqsatynda alý, sondai-aq aqshany Biryńǵai jinaqtaýshy zeinetaqy qoryna keri qaitarý týraly QR Úkimetiniń qaǵidalary 2021 jylǵy 30 qańtarda kúshine endi.
Qaǵidalarǵa sáikes, jinaqtardy qazaqstandyqtardyń arnaiy shotyna aýdarý BJZQ-ǵa salymshydan ótinish kelip túskennen keiin 5 jumys kúni ishinde júzege asyrylady.
«Azamattardyń ótinim berýge jáne zeinetaqy jinaqtaryn turǵyn úi jaǵdailaryn jaqsartý jáne (nemese) emdelýge aqy tóleý úshin nysanaly paidalaný sharttaryna bailanysty barlyq máselelerin ýákiletti operator «bir tereze» qaǵidaty boiynsha qaraidy jáne BJZQ-ǵa jeke ótinish berý talap etilmeidi», - dep naqtylady BJZQ-dan.
