«Biryńǵai jinaqtaýshy zeinetaqy qoryndaǵy» zeinetaqy jinaǵynyń bir bóligin baspana jaǵdaiyn jaqsartýǵa jumsaýǵa 635 myńnan astam ótinim jiberilgen, dep habarlaidy "Ult aqparat" atalmysh qor aqparatyna silteme jasap.
2021 jyldyń 5 tamyzyndaǵy jaǵdaiy boiynsha BJZQ-ǵa ýákiletti operatorlardan turǵyn úi jaǵdailaryn jaqsartý maqsatynda birjolǵy zeinetaqy tólemderin júzege asyrýǵa 635 066 (qabyldanbaǵany – 253 969) ótinish, emdelýge 45 524 (qabyldanbaǵany – 17 227) ótinish kelip tústi. Investitsiialyq portfeldi basqarýshylarǵa aýdarýǵa 3 067 (qabyldanbaǵany – 617) ótinish joldandy.
Ótinimderdiń qabyldanbaýynyń sebepteri:
1. Somalar durys kórsetilmegen, onyń ishinde zeinetaqy jinaqtarynyń somasy artyq kórsetilgen.
2. Jeke tabys salyǵyn (JTS) tóleý tásilin tańdaý kezinde alýǵa suranys jasalatyn somalar durys kórsetilmegen.
3. Salymshylar alýǵa bolatyn soma sheginde emes, zeinetaqy jinaqtarynyń búkil somasy kórsetilgen.
4. Ótinimde ózekti emes somalar kórsetilgen, iaǵni salymshylar investitsiialyq tabystyń naryqtyq aýytqýyna bailanysty zeinetaqy jinaqtary somasyndaǵy ózgeristerdi eskermegen.
5. «BJZQ» AQ derekter bazasynda jeke zeinetaqy shottary jáne tiisinshe zeinetaqy jinaqtary joq tulǵalardan da ótinimder túsken.
6. Ótinim qaitalap jiberilgen.
