17 aqpandaǵy jaǵdai boiynsha Biryńǵai jinaqtaýshy zeinetaqy qoryna ýákiletti operatorlardan merziminen buryn tólemderdi júzege asyrýǵa maqsatty paidalaný úshin 140 941 salymshynyń ótinishi kelip tústi, dep habarlaidy BJZQ baspasóz qyzmeti.
«Jalpy somasy 496,7 mlrd teńgege jýyq 92 126 ótinish oryndaldy. Salymshylardyń arnaiy shottaryna túsken tólemderdiń ortasha somasy 5,4 mln teńgeden asady. Arnaiy shottarǵa tólem alǵandardyń 20% jýyǵy Almaty qalasynda turady, oryndalǵan ótinishterdiń 17% paiyzy Mańǵystaý oblysynyń turǵyndarynan, al 16% elordamyz Nur-Sultan qalasynan jiberilgen»,-delingen habarlamada.
23 mlrd teńgege jýyq somaǵa 4 482 ótinish tólemderdi júzege asyrý úshin óńdelýde. Zańnama talaptaryna sáikes kelmeýine bailanysty 42 579 ótinim qabyldanbady.
Oryndalǵan ótinishterge jasalǵan taldaý 39% paiyz ipotekalyq qaryz boiynsha bereshekti ishinara nemese tolyq óteý maqsatyna baǵyttalǵanyn kórsetedi. Ótinish bildirgen salymshylardyń shamamen 26% zeinetaqy aqshasyn turǵyn úidi ipotekasyz (tolyq satyp alý) satyp alýǵa jiberý týraly sheshim qabyldaǵan.
Zeinetaqy jinaqtaryn paidalanýǵa tanymaldyǵy jaǵynan úshinshi oryndaǵy suranys – jaqyn týystaryna berý (ótinishterdiń 19% astamy). Birjolǵy zeinetaqy tólemderin paidalaný maqsattary týraly tolyq aqparat enpf.kz saityndaǵy «Kórsetkishter» - «Turǵyn úi jaǵdailaryn jaqsartýǵa arnalǵan maqsattar boiynsha birjolǵy zeinetaqy tólemderi» bóliminde ornalastyrylǵan.
