17 اقپانداعى جاعداي بويىنشا بٸرىڭعاي جيناقتاۋشى زەينەتاقى قورىنا ۋەكٸلەتتٸ وپەراتورلاردان مەرزٸمٸنەن بۇرىن تٶلەمدەردٸ جٷزەگە اسىرۋعا ماقساتتى پايدالانۋ ٷشٸن 140 941 سالىمشىنىڭ ٶتٸنٸشٸ كەلٸپ تٷستٸ, دەپ حابارلايدى بجزق باسپاسٶز قىزمەتٸ.
«جالپى سوماسى 496,7 ملرد تەڭگەگە جۋىق 92 126 ٶتٸنٸش ورىندالدى. سالىمشىلاردىڭ ارنايى شوتتارىنا تٷسكەن تٶلەمدەردٸڭ ورتاشا سوماسى 5,4 ملن تەڭگەدەن اسادى. ارنايى شوتتارعا تٶلەم العانداردىڭ 20% جۋىعى الماتى قالاسىندا تۇرادى, ورىندالعان ٶتٸنٸشتەردٸڭ 17% پايىزى ماڭعىستاۋ وبلىسىنىڭ تۇرعىندارىنان, ال 16% ەلوردامىز نۇر-سۇلتان قالاسىنان جٸبەرٸلگەن»,-دەلٸنگەن حابارلامادا.
23 ملرد تەڭگەگە جۋىق سوماعا 4 482 ٶتٸنٸش تٶلەمدەردٸ جٷزەگە اسىرۋ ٷشٸن ٶڭدەلۋدە. زاڭناما تالاپتارىنا سەيكەس كەلمەۋٸنە بايلانىستى 42 579 ٶتٸنٸم قابىلدانبادى.
ورىندالعان ٶتٸنٸشتەرگە جاسالعان تالداۋ 39% پايىز يپوتەكالىق قارىز بويىنشا بەرەشەكتٸ ٸشٸنارا نەمەسە تولىق ٶتەۋ ماقساتىنا باعىتتالعانىن كٶرسەتەدٸ. ٶتٸنٸش بٸلدٸرگەن سالىمشىلاردىڭ شامامەن 26% زەينەتاقى اقشاسىن تۇرعىن ٷيدٸ يپوتەكاسىز (تولىق ساتىپ الۋ) ساتىپ الۋعا جٸبەرۋ تۋرالى شەشٸم قابىلداعان.
زەينەتاقى جيناقتارىن پايدالانۋعا تانىمالدىعى جاعىنان ٷشٸنشٸ ورىنداعى سۇرانىس – جاقىن تۋىستارىنا بەرۋ (ٶتٸنٸشتەردٸڭ 19% استامى). بٸرجولعى زەينەتاقى تٶلەمدەرٸن پايدالانۋ ماقساتتارى تۋرالى تولىق اقپارات enpf.kz سايتىنداعى «كٶرسەتكٸشتەر» - «تۇرعىن ٷي جاعدايلارىن جاقسارتۋعا ارنالعان ماقساتتار بويىنشا بٸرجولعى زەينەتاقى تٶلەمدەرٸ» بٶلٸمٸندە ورنالاستىرىلعان.
