Zeinetaqy jinaǵyn paidalany otyryp, ipotekasyz turǵyn úi satyp alý (tolyq satyp alý) kezinde qandai qujattar kerektigi jariialandy. Bul týraly Otbasy bankiniń jelidegi paraqshasynda habarlandy.
45 kúnniń ishinde satýshymen birge Halyqqa qyzmet kórsetý ortalyǵyna nemese notariýsqa baryp satyp alý – satý kelisim shartyn rásimdep, qarajattyń maqsatty qoldanylatynyn rastaý úshin kelesi qujattardy enpf-otbasy.kz onlain platformasyna PDF formatynda júkteý qajet:
1. Ýákiletti organ tirkegen turǵyn úidi satyp alý-satý sharty.
2. Memlekettik tirkeý týraly anyqtama. (satyp alý-satý shartyn tirkegen mekemeden alynady HQKO nemese notariýs)
3. Jyljymaityn múlikke tirkelgen quqyqtar týraly jáne onyń tehnikalyq sipattamalary týraly anyqtama (egov.kz - arqyly alýǵa bolady)
1 jáne 2 qujattardy bir PDF failǵa júkteý kerek.
Eger sizdiń skaner PDF formatyndaǵy qujat jasai almasa, onda www.ilovepdf.com saity arqyly kez kelgen JPEG, PNG nemese basqa formattaǵy qujatty PDF-ke tegin aýystyra alasyz.
Qujattardy júktegen soń qarajatty satýshyǵa aýdarý týraly ótinishke ETsQ kómegimen qol qoiyńyz.
10 jumys kúni ishinde qarajat satyp alý – satý kelisim shartynda kórsetilgen derektemeler boiynsha satýshynyń shotyna túsetin bolady.
