Jyl basynan beri Biryńǵai jinaqtaýshy zeinetaqy qorynyń zeinetaqy aktivteri 337,3 mlrd teńgege nemese 2,6%-ke ulǵaidy. Bul týraly QR Ulttyq bankiniń tóraǵasy Erbolat Dosaev aitty, dep habarlaidy QazAqparat.
«Biylǵy qazannyń sońynda Birińǵai jinaqtaýshy zeinetaqy qorynyń zeinetaqy aktivteri jyl basynan bastap 337,3 mlrd teńgege nemese 2,6%-ke ulǵaiyp, 13,2 trln teńge boldy. Al 31 qazanda salymshylardyń zeinetaqy jinaqtaryn merziminen buryn alýy úshin 2 trln teńgege 545,5 myń ótinish oryndaldy, onyń ishinde 1,950 mlrd teńge nemese 97,1% turǵyn úi máselelerin sheshýge tiesili boldy», - dedi Dosaev Úkimet otyrysynda.
Bank tóraǵasynyń aitýynsha, biylǵy jyl basynan beri eseptelgen investitsiialyq kiristiń mólsheri shamamen 1,2 trln teńge boldy, onyń 14%-i valiýtalyq portfel aktivterine tiesili.
«Biylǵy 10 aidyń qorytyndysy boiynsha 7% infliatsiia kezinde 9,9% mólsherinde kiris alyndy, sáikesinshe salymshylar úshin 2,9% mólsherinde naqty kiris qamtamasyz etildi», - dedi Dosaev.
