Zeinetaqy qorynan aqshany ýaqytynan buryn alý úshin ótinim 8 qańtarda qabyldana bastaýy múmkin. Bul týraly «Otbasy banki» basqarma tóraǵasy Lázzat Ibragimova Facebook-de ótken tikelei efir barysynda aitty, dep habarlaidy "Ult aqparat".
«Bizde jaqsy jańalyq bar. Kúni keshe biz Qarjylyq retteý agenttiginen biryńǵai zeinetaqy tólemin paidalaný boiynsha arnaiy aǵymdaǵy shottardy ashý jáne júrgizý úshin litsenziia aldyq. Biz mundai litsenziiany alǵan alǵashqy bank bolyp otyrmyz. Eger zeinetaqy jinaǵyn paidalaný erejeleri búgin bekitilse, onda 8 qańtarda barlyq normavtivti-quqyqtyq aktiler qabyldanyp, 8 qańtarda jumysty bastap ketemiz», - deidi Lázzat Ibragimova.
Eske salsaq, 2 qańtarda QR Prezidenti zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy.
