Qaraǵandy oblysynda biyl «Kúmis jas» respýblikalyq jobasy iske qosylady. Baǵdarlama zeinetkerlik jasqa deiingi adamdardy jumysqa ornalastyrýǵa kómektesedi, dep habarlaidy QazAqparat.
Biylǵy jylǵa jospar – 534 adam. Jumys berýshilerge osyndai qyzmetkerlerdiń jalaqysy 30 AEK mólsherinde sýbsidiialanatyn bolady.
Ádette, qandai da bir sebeptermen jumysynan airylǵan aǵa býyn ókilderine eńbekke qaita ornalasý óte qiyn. Jańa joba osyndai jumyssyzdarǵa zeinetke shyqqanǵa deiin turaqty jumys ornyn tabýǵa kómektesýge arnalǵan.
«Óńirde kásipkerlikti damytý jónindegi ulttyq joba boiynsha sýbsidiialanǵan jumys oryndary qurylatyn bolady. Atap aitqanda, aǵa býynǵa «Kúmis jas» jobasy jumysqa ornalasýǵa kómektesedi. Biz zeinetkerlik jasqa deiingi jumys izdeýshini jumysqa qabyldaýǵa niet bildirgen jumys berýshiniń jalaqysyn sýbsidiialaimyz. Jyl boiy ai saiyn memleket tarapynan 30 AEK tólenetin bolady – bul 91 890 teńge», – dedi Jumyspen qamtýdy úilestirý jáne áleýmettik baǵdarlamalar basqarmasynyń basshysy Ásem Júnispekova.
«Kúmis jas» jobasy boiynsha jumys izdeýshi retinde tirkelý úshin jumyspen qamtý ortalyqtaryna nemese Enbek elektrondyq eńbek birjasyna júginý qajet.
